Los mazcaritos y l’andecha de músicos que los acompañen vuelven salir a pidir l’aguilandu d’Os Reises del Valledor esti sábadu 4 de xineru dende les 10h, faciendo el tradicional percorríu pelos pueblos ayandeses de Villalain, San Salvador y Fonteta. El premiu Choqueiro de Os Reises, que va entregase a les 15h, va recibilu María del Roxo, de Villaoril (Ibias), pola so «contribución a la conservación y dignificación del patrimoniu material y inmaterial venceyáu a l’aldea dende la escritura y la disciplina artística». Dempués de la xinta en comuña y como principal novedá d’esti añu, el tríu Muñalén, Monteavaro e Rodrigues van dar un conciertu pa zarrar l’eventu a les 17h.
Semeya de portada de Fernando Yáñez, de Zenay Studio.
Suscríbite a les nuestres novedaes
