Dos años dempués de la so primer edición, vuelve’l festival CachuFest. «Territoriu, música, cultura y tradición» son les señes d’identidá d’esti eventu que va celebrase del 19 al 21 setiembre en Trabáu (Degaña). Espacio Tormaleo -en collaboración con La Guarida del Cunqueiru y Il Truganal y l’apoyu de la Conseyería de Cultura, Política Llingüística y Deporte y la Comisión Europea– organiza esta cita que definen como «una esperiencia única con conciertos, visites guíaes, actividaes culturales…».
Na edición anterior sonó música tradicional, folk celta, electrónica y pop nun prestosísimu entornu natural, con entrada llibre y zona d’acampada gracies a les actuaciones de 6 Riales, Alienda, Ferla Megía, Guieldu, Eva Tejedor & Les Pandereteres y Llevólu’l Sumiciu. Amás hubo una montonera d’actividaes qu’axuntaron audiovisual, rutes, esposiciones y alderiques.
Dende la organización del festival anuncien qu’esti añu va haber «munches novedaes» y qu’esta selmana van entamar a anunciar los primeros artistes que formen el cartelu.
Suscríbite a les nuestres novedaes
