El Semando Fest sigue anunciando novedaes pa la so tercer edición. Tres de presentar a Abéu y a Ferla Megía, l’eventu entamáu por Musicasturiana.com y Ixuxú Cultura da un nuevu nome del so cartelu: Alienda. D’esta manera va avanzándose la pluralidá d’estilos que van sonar na sala Lata de Zinc d’Uviéu el sábadu 8 de febreru; dende la música tradicional fecha pal baille hasta propuestes renovadores influyíes pol pop, la música urbana y la tradición, pasando pel folk.
Alienda ye un grupu de seis componentes qu’entamó la so andadura nel añu 2013. Cola so sonoridá power folk, asoleyaron el so primer trabayu d’estudiu nel EP Alendando, con cuatro temes representativos del so estilu. En 2023 publicaron el so primer discu de llarga duración: Alienda. Col tema qu’abre l’álbum, ‘Zanca de cabra’, participaron nel XV Premiu Camaretá al Meyor Cantar. Esti branu van actuar nel Festival Interceltique de Lorient.
La selmana que vien va anunciase un nome nuevu del III Semando Fest, iniciativa que nagua por puxar pol relevu xeneracional na música asturiana; por ufrir un festival con un formatu orixinal qu’entemeza aspectos d’una gala colos d’un conciertu al usu; que reivindica les sales de conciertos como un espaciu afayadizu pal exposigue de la música de raigañu; y qu’apuesta por da-y oportunidaes a les y los creadores xóvenes. Esti añu tola identidá visual ta fecha artista xixonesa Paula Suárez Surimi.
Suscríbite a les nuestres novedaes
