Dos beques reconocen el so trabayu d’esperimentación sonora y visual. Per ún llau, Rodrigues foi selecionáu pa la residencia y beca de creación artística de Fabra i Coats – Fàbrica de Creació de Barcelona, en continuidá col programa de las Residencias Artísticas Mariñán. Cada añu, d’ente tolos proyectos que pasen per Mariñán, ún ye escoyíu pa continuar el so desendolcu en Cataluña. La financiación ye compartida ente la Deputación da Coruña y Fabra i Coats, y cunta cola curadoría de Aitana Cuétara (Luneda Produccións).
Nel marcu d’esta residencia, Rodrigues ta trabayando na obra ‘Ronco. Disección anatómica da gaita’, un viaxe audiovisual qu’analiza la radicalidad del instrumentu tradicional al traviés de la experimentación sonora y visual, con grabaciones feches nel taller de los luthiers Seivane. El resultáu va presentase el sábadu 11 de octubre nel festival internacional de nueva creación sonora Mixtur (Barcelona).
Per otru llau, resultaron tamién ganadores de las Axudas REGA de creación artística contemporánea, convocaes pola Consellería de Cultura da Xunta de Galicia y xestionaes pola Cidade da Cultura. Na modalidad de artes musicales, foi selecionáu pol proyectu ‘Cidade Sonora. Unha proposta de arquitectura somática’, que busca crear un archivu sonoru y visual p’analizar y esperimentar de forma alternativa l’espaciu arquitectónicu de Gaiás. El trabayu inclúi mediciones acústiques y lumíniques del edificiu, esplorando la posición del ser humanu en relación coles estructures monumentales d’un macrocomplexu cultural.
A un tiempu, Rodrigues ta a piques de terminar la espublización del discu INCRA, un proyectu d’esperimentación sonora centráu nel aire como elementu principal. La obra investiga la rellación ente grabaciones de campu feches na ferrería de Mazonovo (Santalla d’Ozcos) y los soníos d’una gaita preparada. El discu, con producción y mezcla de Xabier Erkizia y masterización de Giuseppe Ielassi, va asoleyar próximamente a traviés d’una campaña de micromecenazgu.
Suscríbite a les nuestres novedaes
