Como tolos años dende hai más de seis décades, el Centru Asturianu de Madrid concede los sos premios Urogallos, destinaes a distintes persones y organizaciones venceyaes a esta entidá y a dellos aspectos rellacionaos cola asturianidá. De les 14 estayes qu’hai, dalgunes tán rellacionaes cola música asturiana y asina ye como en 2025 Prau Llerón, Carlos Velasco, Bras Rodrigo y María José Hevia recibieron estos gallardones nes estayes de «Baile«, «Tonada«, «Gaita» y la categoría «Especial«; unes distinciones que van entregase güei na FIDMA.
A les 19.30 d’esti martes 4 d’agostu va celebrase nel salón d’actos de la Feria Internacional de Muestres d’Asturies la entrega d’estos premios Urogallos, nun actu que presenta Marta Arbas tamién venceyada a la música asturiana gracies a participar en formaciones cmoo Ubiña, Xaréu, Brenga Astur, los Son d’Arriba o Los Tsumarinos.
El Centru Asturianu de Madrid lleva concediendo estos gallardones dende la década de los sesenta del pasáu sieglu. Foi en 2008 cuando entamó a premir dientro del apartáu urogallos más cuestiones venceyaes a estayes como l’artesanía, la gastronomía, la defensa de la llingua asturiana y la naturaleza, el deporte o los festexos. Nel apartáu musical distínguense persones o entidaes rellacionaes col baille, la tonada, la música coral y la gaita.
Suscríbite a les nuestres novedaes
