El gaiteru Rubén Alba asoleya l’adelantu del so próximu discu

Nesti 2022 va haber nuevu discu de Rubén Alba. Tres llanzar el 2018 la so primer referencia, ‘Despertar, el gaiteru avilesín va regresar con un álbum del que yá se pue sentir el primer adelantu “Resiliencia“. Nesti tema asoleyáu en YouTube pue sentise’l soníu folk-rock que faen Alba y la so banda, formada por veteranos de la música asturiana que formen o formaron parte de proyectos como Tejedor, Dixebra, Felpeyu, Vrienden, Blima o José Manuel Tejedor.

Rubén Alba ye un gaiteru avilesín ganador del Trofeo Macallan nos años 2002 y 2006. Amás de los concursos, la so llarga trayectoria llevólu a ser escoyíu p’actuar como gaiteru solista nel prestixosu festival “Piping Live Festival” celebráu en Glasgow en 2012. Tres participar en delles festivales de gaita internacionales entama’l so camín como músicu solista en delles formaciones y collabora con varios grupos (Gwendal, Juan Carlos Mendoza…).

Siéntilu en YouTube

Mercar el discu ‘Despertar’ na tienda online

Dexa un comentariu

X