Esti vienres 7 de xineru arranca la décima edición del MUSOC, l’amuesa de Cine Social y Derechos Humanos d’Asturies. La música asturiana va sonar na banda sonora que cellebra’l décimu cumpleaños del festival gracies a les actuaciones de 6 Riales y Ánxela Gómez de Filanda. La cita ye a les 19.30h nel Teatru La Llaboral de Xixón, con una entrada de 3 euros y nuna xornada na que tamién van tocar Dolce Terna y va proyectase la película ‘Seis Días Corrientes’.
6 Riales ye un grupu formáu por Alba Menéndez, Elisabeth Montequín y Natalia Vega. Sobre’l ritmu de les panderetes y d’instrumentos tradicionales de percusión como’l morteru, la llata pimentón y les cuyares, 6 Riales reinventa la tradición ensin perder la so esencia. Nel so repertoriu tienen música pa baillar, cantares de fuera d’Asturies y composiciones propies. Per otra parte Ánxela Gómez ye’l 50% de Filanda, dúu avilesín qu’amesta canción d’autor, pop-rock y folk y que tienen un discu publicáu, ‘Despeinando’l Silenciu’, con dos temes n’asturianu
Suscríbite a les nuestres novedaes
