El gobiernu convoca’l XVI Premiu Camaretá al Meyor Cantar

La Conseyería de Cultura, Política Llingüística y Deporte ta acabante de convocar el XVI Premiu Camaretá al Meyor Cantar. Hasta’l próximu 2 de mayu pueden presentase a esti galardón cantares de cualquier xéneru con lletra y música orixinal y cantares de cualquier xéneru con lletra orixinal sobre melodíes yá existentes. Los cantares participantes tienen que tar publicaos dende’l 1 de xineru de 2023 hasta’l 29 de marzu de 2024 y cada grupu o solista que tenga interés va poder presentar namás un cantar.

L’estractu de la resolución nel BOPA ye esti, les bases son estes y quien quiera mandar la so candidatura pue facelo equí. El Premiu Camaretá al Meyor Cantar tien una dotación económica de 6.000 euros y inclúi amás la producción d’un videoclip y la participación nel circuitu Autores nel Camín, qu’entama actuaciones a lo llargo del territoriu asturianu en collaboración colos conceyos. 

Dexa un comentariu

X