El pasáu 29 de xineru’l Ministeriu de Cultura abrió’l plazu de solicitúes de les ayudes estatales pa les salas de música en directo, una llinia de subvenciones dotada d’un millón d’euros y destinada a fortalecer, modernizar y facer sostenibles los espacios onde se desenvuelve la la música en vivo. La cuantía a financiar cada proyectu ye d’ente 8.000 y 50.000 euros y el plazu pa pidir estes ayudes remata’l 25 de febreru.
La convocatoria ta dirixida a persones físiques y xurídiques titulares o xestores de sales de conciertos con residencia fiscal n’España, que desarrollen una programación estable de música en vivo. Les ayudes concédense en réxime de concurrencia competitiva y tán orientaes a financiar inversiones materiales, como la meyora d’equipamientos técnicos, acondicionamientu acústicu, accesibilidá, eficiencia enerxética, dixitalización de los espacios; amás de desarrollu de nuevos modelos de negociu (sales d’ensayu, estudios de grabación, servicios de streaming y videorealización de conciertos…) y consultoría y asesoramientu.
Dende’l Ministeriu destáquense estes sales como infraestructures culturales esenciales, claves pa la profesionalización de los artistes, la creación musical contemporánea y la diversificación de públicos. La convocatoria busca, amás, afalar la presencia d’artistes emerxentes, la igualdá de xéneru nes programaciones y la vertebración territorial del circuitu musical. Tola información ta na páxina web del Ministeriu.
Semeya de Nay Semeya nel festival Artístiques (Almacenes Kuivi)
Suscríbite a les nuestres novedaes
