En setiembre va haber más de 60 conciertos de música n’asturianu y gallego-asturianu
Aporta setiembre y fáilo con una axenda enllena d’actividaes rellacionaes cola música n’asturianu y gallego-asturianu. Festivales, conciertos, nueches celtes, folixes, cellebración del 8 setiembre, xornaes… Va haber más de 60 conciertos nunos eventos que pueden dir consultándose n’Axenda de musicasturiana.com y de los que darréu facemos un resume,
Principales festivales y eventos
– Cultura Peatonal, hasta’l 7 de setiembre, en Xixón, con actuaciones de bandes de gaites y grupos de baille tradicional.
– 15 Festival Internacional de la Gaita de Villaviciosa (FIG), del 1 al 4 setiembre en Villaviciosa, con más de quince actividaes.
– Rock n’asturianu nel Kuivi PopUp, el 1 de setiembre n’Uviéu, con Dixebra, Skama la Rede y Ochobre.
– Pitafesta, del 2 al 4 de setiembre, en Bual, coles actuaciones de Mapi Quintana, Urso Dakoff y el prestrenu de A Lluz, a Nova Lluz é Orión de Miguel Monteavaro y Andrés Rodrigues, ente otres actividaes.
– Al Resve, del 7 al 18 de setiembre, en Xixón, con dieciséis conciertos folk.
– Folixa La Sidre, del 7 al 11 de setiembre, en Ribeseya, con conciertos d’Abéu, Los Gascones, Baxel, Felpeyu, 6 Riales, Misiva, Ochobre, La Xarangana y la Banda Gaites Ribeseya.
– Festexu del 8 setiembre entamáu pol Gobiernu del Principáu d’Asturies, en Corvera, coles actuaciones d’Anabel Santiago, Algaire, Chus Pedro y Pipo Prendes, y Los Berrones.
– Aniversariu de Lata de Zinc, el 8 y el 11 setiembre, n’Uviéu, coles actuaciones de Llevólu’l Sumiciu, Paganéu Live, Fruela 757 y Les Pites, ente otres actividaes.
– 13 Nueche Folk de Carrio, el 9 setiembre, en Llaviana, coles actuaciones d’Ambás ya Ramsés, Bandina La Curuxa, L’Andecha Turcipié y La Garrapiella.
– Nueche Celta d’Ayer, el 10 de setiembre, en Soto, con La Banda Gaites El Gumial, Felpeyu, Llan de Cubel y Dixebra.
– Xornaes Elías García, el 17 y 18 de setiembre, en Villaviciosa con ocho conciertos folk.
– II Xornaes del Vigulín Tradicional n’Asturies, del 23 al 25 setiembre, en Piloña, coles actuaciones de La Banda… Latira! y Calea, ente otres actividaes.
Amás d’esto, va haber munchos más conciertos per tol país y más que se dirán confirmando. Dende musicasturiana.com vamos dir ampliando información de cada eventu cuando vaiga aportando la fecha, amás de caltener actualizada l’Axenda.
