Arranca un fin de selmana que tien diez cites cola música’l país. Dientro de los eventos hai concursos, como’l Premiu Camaretá al Meyor Cantar (el vienres 7 nel Teatru Vital Aza) en L.lena; entama’l Ciclu Folk de Cámara Ígor Medio en Xixón, van facese amagüestos repartíos pela xeografía asturiana, y Tsacianiegas presenten el so nuevu discu na Taberna Narciso’l domingu 9 a les 13.00h.
Dientro de les celebraciones propies d’esti mes de payares, va poder esfrutase de la XII Seronda n’Avilés; l’Amagüestu Candás ’25, nel qu’actúen Grupu de Baille La Folixa de Carreño, Grupu de Baille San Félix de Candás, Banda Gaites Candás y 6 Riales; el XXIX Festival del Esfoyón y el Amagosto en Tinéu coles actuaciones de Triskel y Los Gascones; l’Amagüestu ‘Castañes y Cancios’ qu’entama La Guarida en Somao, onde van tocar 6 Riales; y la Esfoyaza nel nel Muséu del Pueblu d’Asturies na qu’hai un conciertu de Ferla Megía.
Amás, el sábadu 8, hai un alcuentru con Carlos Velasco, Lorena Corripio y Marina Carbajosa -ganadores el pasáu añu del Premiu Obdulia Álvarez «La Busdonga» d’Asturianada- en Grau; y Les Pites van amenizar el pre y post conciertu de Dulzaro na Lata de Zinc. Hai bien d’opciones pa escoyer
Tola información pue vese nesta imaxe, na Axenda de musicasturiana.com y nes distintes noticies publicaes.
Suscríbite a les nuestres novedaes
