Entama un fin de selmana enllenu de música tradicional con ocho eventos estremaos. L’axenda arranca’l vienres 23 a les 20h col conciertu de La Bonturné en Cangas del Narcea y continúa’l sábadu 24 a les 12.30h col II Alcuentru Bandurrabiel (Sobrescobiu); cola cuarta fase del XIII Concursu de Canción Asturiana a les 17.30h; coles actuaciones d‘Ambás ya Ramsés y Caldo & Os Rabizos nel palaciu torre de Villanueva (Grau) a les 19.30h; y col conciertu de Bear, The Storyteller nel Balneariu de Borines a les 19h.
El domingu 25 hai otres cites, toes elles al mediudía: Pau Santirso & María Vázquez actúen na Taberna Narciso de Teberga; Ún de Grao nel CSA L’Apiaderu de Nava; y Caparines -que tán acabante d’asoleyar videoclip– en Sobrescobiu.
Tola programación detallada d’equí a los próximos meses pue vese na Axenda de Musicasturiana.com.
Suscríbite a les nuestres novedaes
