El Centru Social de Blimea acoyó ayeri la presentación del videoclip “Muñeira de Sotrondio”, interpretáu pol grupu Caparines y producíu por 1527 Estudio Rural, en collaboración col Ayuntamientu de Samartín del Rei Aurelio. La pieza audiovisual yá ta disponible en YouTube, grabóse dafechu en delles llocalizaciones d’esti conceyu y fai un homenaxe a la tradición minera y rural del Valle del Nalón.
Nel actu d’ayeri, amás de la presentación del videu, Caparines ufrió un percorríu pel so repertoriu de música tradicional interpretada con voces, panderetes, flautes, violín y guitarra. L’actu foi un éxitu de públicu y nél sorrayóse la importancia de xenerar conteníu audiovisual de calidá que conecte colos raigaños de la comunidá y proyecte al esterior la riqueza patrimonial de la zona.
La producción foi a cargu de 1527 Estudio Rural, una axencia de comunicación comprometida col territoriu qu’apuesta por visibilizar el mediu rural asturianu a traviés de proyectos culturales que fomenten la identidá, la participación y la creación colectiva dende l’arraigu.
Suscríbite a les nuestres novedaes
