Fontoria llanza l’adelantu de ‘Goetia’, un cantar con 6 Riales
0 comentarios
Yá ta en toles plataformes dixitales “La Partida“, el single del cuartu discu de Fontoria, Goetia. La banda piloñesa de folk progresivu presenta esti cantar que cunta cola collaboración a les voces de 6 Riales, tríu de música tradicional de la Cuenca’l Nalón. Goetia asoleyará a finales de marzu y va tar formáu por siete temes de los que cinco son instrumentales. Como yá pasara na so anterior referencia, Sirio, la pieza que da nome al discu ye una instrumental de 13 minutos que sintetiza tolo que recueye’l trabayu nuevu d’esta formación lliderada por Maxi Areñes.
