Arranca’l fin de selmana con cuatro cites protagonizaes pola gaita, la canción d’autor y el rock. Los conceyos de Gozón, Villaviciosa, Cabrales y Navia acueyen estos eventos ente güei y el sábadu.
A les 19:00, na Casa la Cultura de Lluanco, el gaiteru Daniel Meré estrénase dientro del circuitu Cultura en Rede con un conciertu de temes actuales y tradicionales.
Arangas (Cabrales) acueye’l XVII Alcuentru de Música Tradicional cola actuación de delles bandines y un pasucais. En Quintueles (Villaviciosa), a les 20:30, Vero Rubio actúa en formatu acústicu nun conciertu íntimu na Residencia Musa Caféina. A lo último, na Casa de Cultura de Veiga (Navia), proyéctase’l documental del festival Unirock, «El Sonido de un Pueblo».
Suscríbite a les nuestres novedaes
