«Festival del son, el saber y el sabor del conceyu de Parres». Asina ye como se presenta Gastrosónica, eventu que se va celebrar esti vienres 12 y sábadu 13 ente’l salón d’actos del Ayuntamientu de Parres y el Parque La Llera de Les Arriondes. Ente la montonera d’actividaes qu’hai, va sonar música n’asturianu, DJs y va celebrase un espectáculu gastronómicu-musical protagonizáu por músicos del Oriente.
La programación musical entama a les 20.30h del vienres 12 con Al son de la gastronomía parraguesa, cuatro hores d’espectáculu gastronómicu y musical al cargu d’Avalle Van y Amigos, una banda formada por músicos de Les Arriondes y Cangues d’Onís que toquen y/o tocaron en grupos como Mala Reputación, Ermitaños del Río, Desorden o Neurotics. Na estaya gastronómica acompañen dellos cocineros y tola venta de «bocaos gastronómicos» qu’haiga va destinase a beneficiu de Fogones por Gaza.
Pal sábadu 12 a en sesión vermú hai Un bocáu, un tragu, una canción, sesión de «maridaxe emocional» del cocineru Lluis Nel Estrada xunto a Lenttach, alter egu de la periodista Arantxa Nieto na so estaya como DJ. La estaya musical zárrase dende les 20.30h con una espicha tradicional que va tar amenizada pola Bandina de Gaites de Parres, Les Ruxideres del Sueve y DJ La Güeriata.
Suscríbite a les nuestres novedaes
