L.lercia llanza’l so primer trabayu de llarga duración

En 2021 presentóse a traviés de les plataformes musicales L.lercia, un proyectu nuevu d’electrónica de raigañu que tien detrás a la xoven fotógrafa avilesina Lucía Garó. Tres d’asoleyar nesti tiempu dellos singles y l’EP Queimada, L.lercia publica agora’l so primer trabayu de llarga duración: Refugayu.

«Un refugayu de pieces» ye como define Garó a los 9 temes que dan forma al discu ente los que s’alcuentren revisiones de cantares que yá publicara -“Ximiéguense”, “Tuiza” y “Pola señal”-, amás de cortes nuevos nos que pueden sentise pieces bien conocíes de la música tradicional asturiana sonando como nunca lo ficieren hasta’l momentu. Son diecisiete minutos de soníos electrónicos y de raigañu entemecíos, dando como resultáu un álbum qu‘amplía la discografía existente d’esta escena musical.

Mercar discos con electrónica y música urbana na tienda online