El dúu de post-folk asturianu participa nesta segunda edición de La Xira L’Oriente Trad Alcuentru, y van facer un conciertu especial con amigues el sábadu 7 de xunu.
Leti y Rubén van tar acompañaos pol batería Manu Molina, con quien ya ficieron dalgún conciertu, ya van invitar al escenariu a Eva Tejedor y les Pandereteres, a la cantante Mapi Quintana y a la gallega María Jorge (vigulinera nel grupu Caldo).
Amás, el grupu ya anunció que va tener a Sergio Tutu al soníu y a Rubén Rayán a les lluces. Con too esti elencu de profesionales, promete ser un conciertu pal recuerdu.
Los conciertos de la X.O.T.A van tener llugar en La Portiella, en Llanes, ya esa misma nueche va poder esfrutase tamién de les zamoranes Ringorrango y del grupu gallegu Ailá. Durante’l día anterior, 6 de xunu, hai un taller con informantes, espicha y nueche en danza en Porrúa, y el sábadu pela mañana, hai dellos talleres y otra espicha, tamién en Porrúa.
Suscríbite a les nuestres novedaes
