El xuráu del Premiu Nacional de Folclore Martínez Torner, que concede la conceyalía d’Educación d’Uviéu a traviés de la Escuela de Música Tradicional del Conceyu alcordó conceder el galardón d’esti añu a la Federación de Coros de Asturias (FECORA) pol so llabor como guardianes y promotores de la música coral n’Asturies y del cancioneru popular d’Oriente a Occidente del país.
El xuráu reconoz d’esta manera la capacidá de tresmisión de los cantares tradicionales recreándose na estética popular, y l’acercamientu de la cultura asturiana y del patrimoniu cultural al públicu en xeneral. La conceyala d’Educación, Lourdes García, José María Fernández “Guti”, director de la Escuela de Música Tradicional, Fernando de la Puente y José Ángel Llaneza, son los integrantes del xuráu y reconocen con esti premiu l’estensu y continúu llabor que lleven desendolcando los coros asturianos dende entamos del sieglu XX pa puxar pola promoción y protección del cancioneru popular asturianu.
«El Premiu Martínez Torner recae esti añu por tanto na Federación FECORA, promotora de la música informal y popular del pueblu y de la difusión del talentu de músicos y compositores que vieron nella una seña d’identidá que caracteriza y singulariza a Asturies ente otres cultures», comenten dende l’Ayuntamientu a traviés d’una nota prensa. El premiu va entregase’l 29 de payares nel Auditoriu Príncipe Felipe d’e la capital d’Uviéu.
Suscríbite a les nuestres novedaes
