El prósimu miércoles 14 de mayu a les 13:30h, el proyectu d’anovación educativa Tras(F)egar, desendolcáu poles aules de gaita del Conservatoriu Superior de Música «Eduardo Martínez Torner» y el Conservatoriu Superior de Música de Vigo, celebren un conciertu simultaneu en dambos centros que va retresmitise, amás, per streaming.
Tras(F)egar ye un intercambiu de tradiciones al traviés del que l’alumnáu asturianu afondó nel repertoriu gallegu, mientres los sos compañeros de Vigo facíen lo mesmo col repertoriu asturianu. Como ramu, dambos centros van ufrir nuna audición conxunta y nel mesmu intre’l repertoriu trabayáu. Esta va ser la primer vegada que dambos conservatorios faen una collaboración d’esti xeitu.
Suscríbite a les nuestres novedaes
