Les Xornaes del Vigulín Tradicional aporten a la so quinta edición. Esti eventu únicu dedicáu a la tradición musical del vigulín n’Asturies y d’otres partes del mundu va facese en Piloña del vienres 19 al domingu 21 de setiembre. La organización del eventu avanza a MUSICASTURIANA.COM qu’esti añu los cursos de les xornaes van tar dedicaos a la música tradicional de Bretaña y nellos va cuntase colos docentes Jacky Molard (vigulín) y Jean-Michel Veillon (flauta).
La Banda Gaites LaKadarma -organizadora de les xornaes- adelanta tamién que próximamente va abrise la inscripción pa los cursos y van anunciase más cuestiones d’una programación que n’ediciones anteriores incluyó talleres, conciertos, actividaes pa la reciella, cursos y esposiciones.
Suscríbite a les nuestres novedaes
