L’Ayuntamientu d’Ermua cola collaboración de la escena folk d’ellí ta acabante de convocar la XX edición del concursu Folkez Blai, una iniciativa que quier promocionar la música de raigañu y esparder el llabor de los coleutivos musicales del xéneru. Los participantes que pasen a la segunda fase, dempués d’unviar tolos materiales y grabaciones, van poder amosar la so propuesta en directo ente’l 12 y el 14 de setiembre na plaza Cardenal Orbe d’Ermua.
Tolos grupos que que quieran concursar han unviar la grabación de cuatro temes del grupu con pelo menos dos de composición orixinal, amás de tola información de contactu y percorríu, enantes del 16 de mayu a la dirección de corréu electrónicu qu’especifiquen nes bases. De la primer fase, dempués de la revisión y calificación d’esos materiales, van salir seis propuestes finalistes que van competir por algamar ún de los dos puestos premiaos con 3.500 o 2.000 euros. Tola información disponible sobre la convocatoria pue topase equí. N’otres ediciones participaron bandes d’Asturies como Algaire y Picarós.
Suscríbite a les nuestres novedaes
