El próximu sábadu 1 de febreru, el Conceyu Mieres va facer alcordanza d’ún de los personaxes de les lletres asturianes más importantes de la historia, el poeta Teodoro Cuesta. Coincidiendo col 130 aniversariu del so fallecimientu, los sos testos van protagonizar dos actos: una ofrenda floral énte’l so monumentu en La Pasera a les 12h y un espectáculu poéticu-musical nel Auditoriu col so nome dende les 19h.
L’actor Alberto Rodríguez, la Bandina L’Arrancaera del Aula de Música Tradicional de la Escuela de Música del conceyu y un tríu de violonchelu, flauta y pianu formáu por docentes del Conservatoriu de Mieres van actuar nel espactáculu de la tarde del sábadu nel que la música, l’humor y les lletres del poeta van ser protagonistes. Mieres homenaxea d’esta manera a ún de los sos vecinos más destacaos.
Suscríbite a les nuestres novedaes
