Misiva va sacar un CD nuevu’l 14 d’ochobre

En 2017 Misiva asoleyaron el so últimu CD en formatu físicu, En Pie de Xera. D’entós p’acá, la banda punk-rock nun aparó d’editar novedaes nes plataformes musicales. El curtiumetraxe musical L’Últimu Aliendu (2020), el videoclip La Misiva pa festexar el so X+II aniversariu (2022) y l’EP Mala Relixón (2022), foron los trabayaos que’l grupu moscón publicó nesti tiempu. Agora va compilar toos estos llanzamientos xunto a dos temes inéditos y editalos nun LP en formatu físicu y dixital tamién nomáu Mala Relixón. El 14 d’ochobre ye la fecha de llanzamientu y el primer adelantu inéditu va poder sentise’l vienres 29 en toles plataformes.

Mercar discos de Misiva na tienda online