Musicasturiana.com na radio friulana

El programa Babêl Europe, de la emisora radiofónica Onde Furlane, dirixíu y presentáu pol periodista Marco Stolfo, trataba nel so últimu episodiu la renovación de musicasturiana.com y la integración nesti portal del Archivu de la Música Contemporánea Asturiana (AMCA).

Babêl Europe ye un espaciu veteranu que s’ocupa de les llingües, músiques, minoríes y naciones ensin estáu de toa Europa; anguaño ye una referencia de la información sobre esos temes a nivel européu. El so responsable ye Marco Stolfo (Università degli Studi di Udine), una autoridá en minoríes llingüístiques y nacionales europees, autor de llibros como La mê lenghe e sune il rock, sobre la rellación ente’l rock y les llingües minorizaes europees. Stolfo conoz de primer mano’l casu asturianu, yá que tuvo presente na edición del festival/concursu de música Liet International -dedicáu a les minoríes llingüístiques d’Europa- que se desenvolvió n’Asturies nel añu 2012 (Teatru de la Llaboral, Xixón), participando como xuráu.

Radio Onde Furlane ye una emisora asitiada na capital de Friul (nel noroeste del Estáu italianu), Udine, qu’emite dafechu en friulanu y ye ún de los preseos fundamentales de normalización d’esti idioma dende la so creación nos años 70. Nesti enllaz podéis sentir el programa.

Dexa un comentariu

X