Como tolos fines de selmana a les 21.45h, el programa Xuntanza de TPA ta protagonizáu por un artista de la escena musical d’Asturies. El d’esti domingu 19, va ser el turnu del dúu más míticu de la música asturiana contemporánea: Nuberu. L’empresariu y ex políticu José Suárez «Felechosa» ye l’encargáu de conducir esti capítulu pa cuntar la historia del grupu y nel qu’otres persones del mundu de la cultura, la comunicación y la música van acompañar a Chus Pedro, a Manolo Peñayos y a los músicos Gabino Antuña, Nacho Alonso y Pedro Pangua.
«Pel sofá pa falar con Chus Pedro van pasar les hermanes Raquel y Laura de Tsacianiegas y Silvia Quesada y Alfredo González, toes elles orixinaries d’un entornu mineru, dalgo qu’influyó nos sos cantares como pasara con Nuberu», despliquen dende Zebrastur, productora del programa televisivu. Xunto a elles tamién van tar les periodistes Alicia Hulton, Laura Castañón, Mario Antuña, Rafa Avello y Pachi Poncela. Too ello pa «definir lo que supunxo y supón la música de Nuberu pa conocer y reconocer la identidá del pueblu asturianu«.
Suscríbite a les nuestres novedaes
