Rubén Bada y Pepín de Muñalen asoleyen un cantar col desapaecíu Elías García

Los músicos Rubén Bada y Pepín de Muñalén tán acabante de dar a conocer un tema inéditu que grabaron con Elías García, fináu nel 2019. Los tres intérpretes taben desarrollando nel momentu del fallecimientu d’esti últimu un proyectu a comuña.

«El tema pertenez al primer trabayu en solitario de Bada»

La pieza en concreto titúlase «Esti neñín» y ye una añada tradicional recoyida en Cardo (Gozón), anque cantada en tola zona del Cabu Peñes. Esta grabación inédita facía parte del repertoriu d’un discu nel que tamién diben participar el flautista Pepín de Muñalén y el contrabaxista René Ispierto. Por desgracia, el proyectu acabó de sópitu al morrer Elías, aunque quedaron grabaos dos temes cola so participación.

El tema va incluise nel primer trabayu en solitario de Rubén Bada, proyectu nel que ta trabayando anguaño esti músicu asturianu de gran proyección internacional.

Discos folk y rock a la venta na tienda