San Félix dedica la so próxima actividá a los bailles de la llende ente Asturies y Galicia
0 comentarios
El Grupu de Baille Tradicional San Félix de Candás sigue celebrando’l so 40 aniversariu. Depués del éxitu del Bailla na Plaza solidariu y del taller de payel.la, l’agrupación entama un nuevu eventu col nome Bailles d’acá y acullá. El musicólogu y compilador Adrián Méndez va falar sobre bailles recoyíos nos dos llaos de la llende ente Galicia y Asturies, pa depués facer un taller de baille cola xente participante.
L’actividá va ser esti sábadu 1 d’abril, a les 11.30h na Casa la Cultura de Candás y tien un preciu de 11 euros. Amás, el grupu de baille ufierta la posibilidá d’afondar nos conteníos del taller con una xinta-alderique nel Restaurán El Cubanu por 18 euros más. P’apuntase pue llamase al teléfonu 676804369.
