El pueblu de Valdesoto, nel conceyu Siero, ye una de les llocalidaes más importantes dientro de la cultura de les mazcaraes d’iviernu. D’ellí son los Sidros y Comedies -una de les primeres mazcaraes tradicionales en recuperase n’Asturies y que foi declarada Bien d’Interés Cultural inmaterial en 2019-, y dende va dellos años acueye la celebración de les Xornaes de Mazcaraes d’Iviernu, un eventu qu’esti sábadu 28 de marzu aporta a la so edición décimosesta.
Esti añu van participar pel parte asturiana los anfitriones Sidros y Comedies de Valdesoto xunto colos Escolinos de Fayes; Mazcaritos d’Uviéu; Mazcaraes de Rozaes (Villaviciosa), IES El Sueve de Les Arriondes (Parres). Amás tán convidaes otres mazcaraes internacionales: Fulión y Boteiros de Viana do Bolo (Ourense), As Bonitas de Sande (Ourense), Asociata Balada – Masti (traditionali) din Romanía (Rumanía) y Kuartango Inauteriak (Álava).
La programación d’estes XVI Xornaes de Mazcaraes d’Iviernu va arrancar el sábadu 28 a les 11 la mañana con un taller de mázcares pa la reciella nel centru polivalente de Valdesoto. Llueu va siguir, a les 16.30h, el desfile per Valdesoto nel que participen toles mazcaraes. Pa echar el pieslle de la xornada, el Centru Polivalente Valdesoto acueye una folixa «dende les 23h hasta les tantes» na que va haber un conciertu rumanu colos grupos folclóricos Balada (Asturies) y Traditi (Málaga), amás del DJ Mateo SRZ.
Suscríbite a les nuestres novedaes
