Tres del parón del branu, vuelve tolos domingos a les 21.45h a TPA Xuntanza, el programa de TPA dedicáu a «celebrar la música al traviés de quienes la viven, la reinventen y la tresmiten». Les emisiones arrancaron la selmana pasada y, si nel capítulu anterior actuaron Voblanaes y la Banda Gaites Villa de Xixón, nel d’esta nueche les artistes convidaes son Ana Pereda de LaGuinda -que va actuar xunto a la presentadora Anabel Santiago-, y los protagonistes del Concursu de Canción Asturiana «El Comercio» d’esti añu: los ganadores Lorena Corripio y Isaac Sierra Longo y l’organizador Valentín Fuente.
D’esta manera, el programa televisivu sigue amosando delles propuestes sonores y estilos de la escena musical n’asturianu, que comparten emisión tolos domingos en TPA xunto a otres formaciones asturianes d’otres escenes.
Suscríbite a les nuestres novedaes
