La música de raigañu va restallar esti fin de selmana nes cuenques del Nalón y del Caudal con dos eventos perespeciales. El vienres 9 de setiembre la llocalidá llavianesa de Carrio acueye la 13 Nueche Folk coles les actuaciones dende les 23h d’Ambás ya Ramsés y les bandines La Curuxa, L’Andecha Turcipié y La Garrapiella. Per otru llau, el sábadu 10 Ayer recupera, quince años dempués, la so Nueche Celta y pa la ocasión repiten el mesmu cartelu d’hai 25 años cuando se cellebró la primer edición: la Banda Gaites El Gumial que va tocar a les 23h, Felpeyu a les 00.30h, Llan de Cubel a les 02h y Dixebra a les 03.30h.
Amás, los dos eventos gratuitos van vese complementaos con actividaes que ponen enfotu n’otros aspectos de la cultura’l país. Carrio va acoyer un taller de baille tradicional con que va dar Ramsés a les 21.30h y en Soto d’Ayer tamién va haber un taller de baille’ a les 20.30h impartíu por Les Ayalgues Folclor Ayerán, amás de cellebrar el Concursu de Bandes de Gaites Valles d’Ayer.
Suscríbite a les nuestres novedaes
