El grupu Amarradizo va formar parte del cartel del Santa Lucía Festival Rural 2026, que se va celebrar el próximu 2 de mayu en Anleo (Navia). El festival, que llega a la so cuarta edición, consolídase como una de les cites más singulares del panorama musical alternativu n’Asturies, combinando música, ruralidá y una identidá bien marcada.
La presencia d’Amarradizo nel festival tien un significáu especial, y ye que la banda yá figuraba nel cartel de la edición pasada, anque finalmente la so actuación tuvo que ser cancelada por motivos de salú. La organización quixo recuperar agora esa actuación pendiente, celebrando asina’l regresu del grupu a un escenariu que yá los esperaba.
Amarradizo, conocíos pol so soníu intensu y personal, va compartir cartel con nomes como Leitmotiv, La Mala Dentro, Recorters, Catalina Grande Piñón Pequeño, nuna xornada de entrada gratuita y ensin etiquetes, fiel al espíritu abiertu del festival.
Suscríbite a les nuestres novedaes
