En 2009 asoleyóse Rockmería, llibru de Xune Elipe (Dixebra, Goxe/L’Aguañaz, Soncai System…) nel qu’a lo llargo de 148 páxines fai un repasu per dellos de los soníos más significaos nes músiques populares. Esta obra taba cuantayá descatalogada, pero tán acabante d’apaecer les últimes nueve unidaes que yá pueden mercase en musicasturiana.com.
En Rockmería. Un repasu a la música popular del sieglu XX, l’autor escribe al rodiu estilos como’l folk-rock inglés, el ska xamaicanu, el raï de la Kabilia, el zydeco de Luisana, el rock del este d’Europa, el Rock Bravú de Galicia, El Rock Radikal Vascu… y d’artistes y grupos que confirmen un universu sonoru representativu de la diversidá humana y cultural del planeta.
Esta obra divulgativa compila en 31 capítulos histories de música fecha con actitú y rebeldía; soníos, estilos y propuestes que, dende un ámbitu llocal y ensin escaecer los sos raigaños (musicales o llingüísticos), supieron trescender más allá hasta convertise n’universales.
Suscríbite a les nuestres novedaes
