Torna ‘Sones na Cai’ pa enllenar el centru d’Avilés de música y baille tradicional

El baille tradicional y les bandes de gaites van tener protagonismu esti agostu nes cais d’Avilés. L’Ayuntamientu del Conceyu ta acabante d’anunciar la segunda edición de Sones na Cai, programa que tien que tien como oxetivu fomentar el folclor tradicional a traviés de pasucáis per distintes zones del centru d’esta ciudá. En total van participar a lo llargo de siete xornaes cinco agrupaciones avilesines: Ximielga La Saya, Escontra’l Raigañu, Xaréu d’Ochobre, la Banda de Gaitas Villa de Avilés y Esbardu.

Esti ye’l programa

• Domingu 3, de 12:30 a 14:00 h: Ximielga La Saya. Percorríu: Parque del Carbayedo, Galiana, San Francisco, Plaza de España, La Fruta, Pedro Menéndez, Rui Pérez, La Cámara y Plaza de España.

• Domingu 10, de 12:30 a 14:00 h.: Escontra’l Raigañu. Percorríu: Plaza de España, La Fruta, San Bernardo, La Cámara, Plaza de España, San Francisco, Galiana y Parque del Carbayedo.

• Domingu 17, de 12:30 a 14:00 h.: Xaréu d’Ochobre. Percorríu: Plaza de Álvarez Acebal, San Francisco, Plaza de España, La Fruta, Pedro Menéndez, Rui Pérez, La Cámara y Plaza de España.

• Sábadu 23, de 19:00 a 20:30 h.: Banda de Gaitas Villa de Avilés. Percorríu: Parque del Carbayedo, Galiana, San Francisco, Plaza de España, La Cámara, Rui Pérez y Plaza de Pedro Menéndez.

• Domingu 24, de 12:30 a 14:00 h.: Banda de Gaitas Villa de Avilés. Percorríu: Plaza del Carbayo, La Estación, Pedro Menéndez, Rui Pérez, La Cámara, Plaza de España, Rivero y Parque de Ferrera.

• Sábadu 30, de 19:00 a 20:30 h.: Esbardu. Percorríu: Parque del Carbayedo, Galiana, San Francisco, Plaza de España, La Fruta, Pedro Menéndez, Rui Pérez, La Cámara y Plaza de España

• Domingu 31, de 12:30 a 14:00 h.: Esbardu. Percorríu: Plaza de España, La Fruta, San Bernardo, La Cámara, Plaza de España, San Francisco, Galiana y Parque del Carbayedo.