Agostu entama con once cites cola música’l país dende güei y hasta’l domingu

Ente los eventos ta'l Festival Intercéltico d'Occidente, Sobrescobiu Folk Fest, mercaos vaqueiros, la programación de Xixón o del Oriente.

Eventos

Entama agostu con una axenda enllena d’actividá musical n’Asturies. Dende güei, xueves 1, hasta’l domingu 4 va haber once eventos y dellos conciertos más. Xixón y l’occidente d’Asturies protagonicen una programación qu’esparde la música asturiana per nueve conceyos de tol país. Esti ye’l resume de tola programación:

XXIV Festival de Gaites Villa de Xixón

Sigue l’eventu hasta’l sábadu 3 cola siguiente programación de música asturiana (amás d’otres actividaes):

Xueves 1:

20h na Plaza’l Marqués: Banda Gaites Villa de Xixón.

Sábadu 3:

19h nos Xardinos de la Reina: Banda Gaites Castrillón y Banda Gaites Villa de Xixón.
21.30h na Plaza Mayor: Gala 24 Festival de Gaites Villa de Xixón.

Arcu Atlánticu

Xixón sigue acoyendo l’Arcu Atlánticu hasta’l domingu 4 cola siguiente programación de música asturiana (amás d’otres actividaes):

Xueves 1

13.30h per Cimavilla: Pasucáis de La Garrapiella.
20.30h nel Antiguu Institutu: Conciertu de Guieldu.

Vienres 2

19h na Plaza La Corrada: Conciertu de Llevólu’l Sumiciu.
20.30h nel Antiguu Institutu: Conciertu de La Bonturné.

Sábadu 3

13.30h na Plaza Xovellanos: Conciertu Pulgarina d’Alicia Álvarez.
19h na Plaza Xovellanos: Conciertu d’Ún de Grao.
20.30h nel Antiguu Institutu: Conciertu de Muyeres.

42 Concursu de Canción Asturiana El Comercio

El xueves 1 y vienres 2, a les 19h, na Plaza Mayor de Xixón van ser les finales d’esta cita imprescindible cola asturianada na villa de Xovellanos.

Xueves 1: Valentín García Fernández, Tatiana Suárez Díaz, Manuel López Menéndez, Marina Carbajosa González (Moza), Aquilino Fernández González, Lorena Corripio López., Isaac Sierra Longo, Alicia Villanueva Megido.
Vienres 2: Dorinda García Rodríguez, Raúl Díaz García, Piedad García Guerra, Nestor Díaz González (Moza), Cristina Sánchez Sánchez, Manuel Roza Llera, Luisi Martínez Suárez, Sergio Menéndez Fernández.

Festival Folclóricu Internacional de Xixón

Sigue esti festival xixonés hasta’l sábadu 3 y la cultura asturiana va tar representada con estes actuaciones:

Xueves 1 a les 22h na Plaza Mayor: Grupu Folclóricu Trebeyu.
Vienres 2 a les 22h na Plaza Mayor: Asociación de Coros y Danzas Jovellanos.

La Semanona de Xixón

La música asturiana va sonar nestes actuaciones esti fin de selmana:

Sábadu 3 a les 21h na Plaza Mayor: Pregón cola participación de Manuel Durán y Lorena Corripio; Grupu folclóricu La Alegría; Coros y Danzas Flor de Xaranzaina; Grupu de Coros y Danzas del Real Grupo de Cultura Covadonga; Asociación de Coros y Danzas Jovellanos; Grupu Folclóricu Trebeyu; Escuela de Música Tradicional Trubiecu; Grupu folclóricu El Xiringüelu; Grupu folclórico El Xolgoriu; Agrupación folclórica asturiana Los Xustos; Moisés Martínez López (gaita) y Víctor Manuel Álvarez González (tambor).
Domingu 4 a les 10.30h dende’l Paséu d’El Molinón hasta L’Atalaya: Desfile tradicional del Día d’Asturies en Xixón cola participación de Banda de Gaites Villa de Xixón, Banda de Gaites Infantil Magüeta, Banda de Gaites Jovellanos, Música y Baile Tradicional Excelsior, Coros y Danzas Flor de Xaranzaina, Asociación de Coros y Danzas Jovellanos, Andecha de Música Tradicional Na Señardá, Grupo de Coros y Danzas del Real Grupo de Cultura Covadonga, Grupu Folclóricu Trebeyu, Escuela de Música Tradicional Trubiecu, Grupu folclóricu El Xiringüelu, Grupu folclóricu El Xolgoriu, Agrupación folclórica asturiana Los Xustos, Banda Gaites Noega, Banda Gaites Conceyu de Xixón, Banda de Gaites Castrillón, Banda de Gaites Saxum, Banda de Gaites de Villaviciosa.
Domingu 4 a les 23h en Poniente: Rodrigo Cuevas.

XXVII Festival Intercéltico d’Occidente

Tapia acueye dende esti xueves 1 hasta’l llunes 5 la XVII edición del FIDO cola siguiente participación de la música asturiana:

Xueves 1 a les 23h: Orquestina La Xarangana.
Vienres 2 a les 12.30h: Banda de Gaitas El Centru.
Sábadu 3 dende les 22.30h: Bango y Llan de Cubel.

Prestoso Fest

Aporta una nueva edición del Prestoso Fest a Las Barzaniel.las (Cangas del Narcea) dende esti xueves 1 hasta’l sábadu 3 coles siguientes actuaciones de música asturiana:

Xueves 1

19.45h: Lo Nueso.
20.30h: Tania Pereira.

Sobrescobiu Folk Fest

Aumenta’l circuitu folk n’Asturies con esti nuevu eventu en Rusecu (Sobrescobiu) esti vienres 2 nel que toquen los siguientes grupos:

20.30h: José Manuel Tejedor.
22h: Llan de Cubel.

XXII Mercáu Vaqueiru

Samartín de Luiña (Cuideiru) acueye la XXII edición del Mercáu Vaqueiru con delles actividaes ente les que destacamos les siguientes:

Sábadu 3

12h: Charra de Marta F. Vilar sobre’l repertoriu musical vaqueiru anguaño.

Domingu 4

16h: Baille tradicional con AEF L’Esperteyu.
18h: Actuación d’Alba Menéndez (6 Riales).

Alzada Vaqueira

Eventu alrodiu la cultura vaqueira en Balmonte de Miranda coles siguientes actuaciones de música asturiana:

Sábadu 3 a les 19.30h: 6 Riales.
Domingu 4 dende les 11h hasta les 18h: Bandina Los Eólicos.

XXXI Muestra de Tonada Asturiana

L’Asociación Cultural Llacín entama la XXXI edición de la Muestra de Tonada Asturiana de Porrúa el sábadu 3 a les 20h cola participación de Isaac Sierra Longo, Tatiana Suárez Díaz, José García García y Celestino Rozada Tamés, con Vicente Prado “el Pravianu” a la gaita.