Va unos díes la formación de música tradicional renovada, Algaire, publicaron en YouTube y nes sos redes sociales un cantar nuevu. Trátase del «Villancicu 2023«, videoclip con música y lletra basada nun villancicu tradicional de los Báscones (Grau) y unes imáxenes grabaes na Cueva d’Avín (Cangues d´Onís). Pa esta ocasión, Iratxe Espina, Loreto Suárez, Carla Mirando y Juan Yagüe, tán acompañaes polos collaboradores habituales de la banda tanto de los sos directos como de les sos grabaciones.
Juan Carlos Vega «Cabín», René Ispierto, Sergio Díaz, Luis Ángel Fernández, Marta Sandino, Beatriz Jara, Juanjo Díaz, Pablo G. Reyes y Edu Llosa son los distintos músicos, bailladores, técnicos y compañeros de la banda qu’apaecen nesti videoclip realizáu por David AJ. «Esfrutái coles vueses families, ríi colos vuesos amigos, curiavos enforma, y sobremanera, lo más importante, sei felices y esfrutái de la vida a tope!», comentaron Algaire nes sos redes pa festexar la Navidá a ritmu de música’l país.
Suscríbite a les nuestres novedaes
