Degaña acueye esti fin de selmana les IX Xornaes de Folclore “Concha Tresmonte”

Les Xornaes de Folclore del Suroccidente Concha Tresmonte lleguen esti fin de selmana a la so novena edición. Zarréu, en Degaña, acueye esti eventu qu’arranca’l vienres a les 20h coles actuaciones de Mario González Álvarez El Jilguerín de Casares, Pandereteras de Cerredo y Pandereteras de Perendengue. Pal sábadu 10 les actividaes entamen pela mañana con un desfile peles cais de Zarréu que va dar pasu a les actuaciones del Grupu de Baille Tradicional del Suroccidente Asturianu Perendengue, Grupu de Baille Tradicional La Corte de Enverniego (Valdés), Asociación de Baille y Danza Tradicional Filandón (Uviéu), Banda Gaitas Cangas de Narcea, Bandina Los Tremendos, Banda Gaitas de Zarréu, Bandina Los Terribles, Grupu Tsaciana (Vil.lablinu), Asociación Cultural Falcatrueiros (Lugo) y Grupo de Danzas La Barbacana (León).

A les 19.30h les xornaes van homenaxear a los profesores de percusión, baille y gaita de l’Asociación Cultural El Bail.le pa llueu rematar coles actuaciones de David Álvarez Cárcamo, José Manuel Sabugo Sabu (componente de D’Urria), y Rosa Cunqueira. Los dos díes va facese un filandón popular dientro d’estes xornaes que lleven por nome el de Concha Tresmonte, muyer finada en 2012 que ta considerada una de les figures más importantes de la música tradicional del suroccidente del país y una de les tocadores de pandeiru más destacaes,

Mercar discos de música folk y celta na tienda