El Chigre’l Corquiéu de Ribeseya cellebra’l so 16 aniversariu cola actuación de Xe de Jota

Nel añu 2005 abría les puertes el Chigre’l Corquiéu de Ribeseya, ún de los llocales referenciales pa la música asturiana qu’hai nel país. Dientro de les sos puertes hai jam sessions, conciertos, música’l país y puxu pola cultura asturiana en xeneral. Pa cellebrar el so décimusestu aniversariu, va actuar la Orquestina Xe de Jota esti xueves 23 d’avientu de 21h a 23h.

Xe de Jota son Jorge López, Juan Carlos Varela, David Varela y Javier Lueje, un cuartetu xixonés sofitáu na gaita, el tambor, l’acurdión y el bombu que combinen a pedazos col clarinete, el contrabaxu y otres percusiones. Esta bandina de la “vieya escuela” convídanos al baille modernu coles sos composiciones y igües afayadices, too ello mui averao al repertoriu de les bandines populares qu’amenizaron los bailles del norte peninsular.

Mercar discos folk na tienda online