Esti fin de selmana hai diez cites cola música n’asturianu

Festivales y programaciones festives axunten dellos conciertos nos que va sonar dende la música tradicional hasta la urbana

Eventos

D’oriente a occidente resuena la música’l país. Dende güei vienres 12 hasta’l domingu 14 el calendariu d’eventos pa esta escena axunta diez cites estremaes qu’axunten dellos conciertos d’una bayura d’estilos. Gastrosónica; Baille nel Paraísu -con 6 Riales, Caparines, Los Gascones y Santi Galguera-; Ánima Mundi -nel qu’actúa Herbamora Trad-; la Nueche Blanca de Grau -qu’acueye un conciertu de La Ciudá nel Mar-; el VII Concursu de Llagareros Artesanos del Caudal -onde toca Pandereteros d’Anguaño y la Banda Gaites El Gumial-; y la XXIV Fiesta y Certamen de la Escanda -na qu’actúen Leirana y Muyeres por Grau-; son los festivales qu’hai el fin de selmana.

Amás, nes fiestes de San Mateo d’Uviéu toquen Ferla Megía y Ún de Grao y nel Día de l’Asturianía de les fiestes de Corvera, fáenlo Nuberu. Pa completar l’axenda, 6 Riales toquen nel Parque El Florán de Samartín del Rei Aurelio dientro del circuitu Dinamiz-ARTj.

Tola información pue vese nesta imaxe o na Axenda de musicasturiana.com.