Esti fin de selmana la música vuelve sonar dende Cangas del Narcea hasta Piloña con once eventos nos que pue sentise folk, asturianada, electrónica, punk-rock… amás d’esfrutase col baille’l país y tradiciones como la de la mazcarada. Tola información ta na axenda de Musicasturiana.com.
VIENRES 27 DE MARZU
20:00 — Felpeyu
Teatru Toreno (Cangas del Narcea)
Ún de los grupos más importantes del folk asturianu vuelve a los escenarios con más de trés décades reinterpretando la tradición musical del país dende una perspectiva acústica con influencies del Arcu Atlánticu.
20:00 — Muyeres En-Tonaes
Auditoriu Teodoro Cuesta (Mieres)
Conciertu con voces destacaes de la tonada como Mariluz Cristóbal Caunedo, Lorena Corripio, Luisi Martínez, Liliana Castañón, Paula Prieto y la gaitera Andrea Joglar.
21:00 — Tasio
Kuivi Almacenes (Uviéu)
Proyectu que mece música asturiana con electrónica, rap o drum&bass, reinterpretando la tradición con un enfoque actual.
21:30 — Marisa Valle Roso
Tribeca Live (Uviéu)
Una de les voces más reconocíes de la música asturiana presenta’l so discu nuevu que combina canción d’autor, pop y sonoridaes electróniques.
22:00 — PVXARRA
CSA L’Apiaderu (Nava)
Tríu influenciáu por estilos como’l punk, el rock n’ast o’l hardcore, con referentes como IDLES o Death Grips.
SÁBADU 28 DE MARZU
Tol día — XVI Xornaes de Mazcaraes d’Iviernu
Valdesoto (Siero)
Una cita dedicada a les mazcaraes tradicionales, con participación de grupos d’Asturies y d’otros territorios.
19:30 — Orquesta Céltica Asturiana
Teatru Auditoriu de Grau
Espectáculu Del Corri-Corri al Siglo XXI, un percorríu pela historia del baille tradicional asturianu dende les dances más antigües hasta pieces modernes.
20:00 — Tania Pereira
Residencia Musa Cafeína (Quintueles, Villaviciosa)
La cantautora entemez folk alternativu, rock y blues británicu, con composiciones qu’empleguen davezy l’asturianu occidental.
21:00 — Asturtralla
La Traviesa (L’Infiestu, Piloña)
Histórica banda de punk-rock n’asturianu formada nos años noventa, que retomó la so actividá musical en 2021 y que vuelve a tocar en directo dempués de 30 años.
21:00 — Nueche en Danza
Plaza d’Abastos (Villaviciosa)
Eventu dedicáu al baille y la música tradicional d’Asturies, impulsáu por colectivos que trabayen pola recuperación del folclore.
21:30 — Llau
Taberna Cuévano (La Pola Siero)
Banda formada por músicos procedentes de grupos como Corquéu, Felpeyu o N’Arba. El so repertoriu ta basáu en composiciones y melodíes rescataes del repertoriu tradicional.
Esta programación ta recopilada a partir de los datos publicaos na axenda de Musicasturiana.com, onde pue consultase más información, horarios actualizaos y llocalizaciones precises pa cada eventu
Consulta la axenda completa equí: https://musicasturiana.com/axenda/lista/
Suscríbite a les nuestres novedaes
