La música n’asturianu sigue espardiéndose acullá de les nuestres fronteres. Tres la exitosa participación de delles bandes asturianes nel Festival Internacional do Mundo Celta de Ortigueira, estos díes ye’l festval Celti’cimes el que ta dándo-y protagonismu internacional al nuestru son. Dende’l sábadu 22 Felpeyu tán na llocalidá francesa d’Albiez impartiendo dellos talleres de flauta, vigulín, guitarra y buzuki, a los que va sumase Rubén Bada esta mesma selmana. Amás d’estos workshops, Felpeyu toquen el miércoles 26 y Rubén Bada’l vienres 28 acompañáu del portugués Luis Peixoto y el gallegu Xoxé LIz. Como curiosidá, la web del propiu festival -qu’esti añu aporta a la so edición númberu catorce-, inclúi tamién información n’asturianu, amosando una vegada más la importancia que tien la música’l país pa visibilizar la imaxe d’Asturies nel esterior.
Suscríbite a les nuestres novedaes
