Como cada últimu sábadu d’agostu dende hai más de 39 años, l’alameda de Porcía, nel conceyu d’El Franco, acueye la Noite Celta de Porcía. Esta edición aporta con un cartelu mui amañosu qu’entemez baille tradicional, nuevos y veteranos grupos folk asturianos y el primer conciertu n’Asturies d’Asturies-Breizh Project cola so formación nueva. La nueche va arrancar a les 21.30h con un taller de baille y actuación del grupu folclóricu del occidente asturianu El Cabazo. Dempués toquen Burbús, Alienda, José Manuel Tejedor y la formación asturbretona que tien a les voces y panderetes Leticia Baselgas y Silvia Quesada, dambes compañeres nel grupu Calea y vocalistes nuna montonera proyectos musicales a lo llargo la so carrera (L-R, Tejedor, Blima, Los Gatos del Fornu, Muyeres…).. L’eventu ye de baldre y tamién va haber sardinada gratuita pa tola xente que s’avere hasta’l festival celta que más años lleva faciéndose ininterrumpidamente n’Asturies.
Suscríbite a les nuestres novedaes
