Del vienres 4 al domingu 6 de xunetu Xixón acueye les Xornaes Músico-Culturales Conceyu de Xixón qu’entama la Banda Gaites Conceyu de Xixón cola collaboración de Divertia y la FMCEyUP. A lo llargo de los tres díes va haber n’estremaos puntos de la ciudá charres, conciertos didácticos, alcuentru de bandes de gaites y concursu de pareyes de gaita y tambor.
La programación arranca’l vienres 4 a les 18.30h nel llocal de l’Asociación de Vecinos de Somió. Ellí David Varela va dar El conciertín, una actuación didáctica de música tradicional y Manuel Durán va poner la charra entitulada La historia del tambor tradicional como instrumentu de comunicación.
El sábadu 5 ye l’Alcuentru de Bandes de Gaites Memorial Pepe Blanco nel que van participar les bandes de gaites d’El Gumial, Cabu Peñes, Conceyu Xixón y una cántabra. Dende les 18h van actuar n’espacios como Begoña, la Plaza’l Parchís, la Plazuela San Miguel, la Plaza’l Marqués o El Náuticu.
Les xornaes rematen el domingu 6 a les 18h nel Paséu de Begoña col Concursu de Pareyes de Gaita y Tambor Memorial Pepe Blanco, que va tar gallardonáu con premios d’ente 150 y 400 euros.
Suscríbite a les nuestres novedaes
