Israel sigue calteniendo la so agresión xabaz sobre’l pueblu palestinu y, ente les distintes movilizaciones de solidaridá que tán desendolcándose, hai una protagonizada pola cultura d’Asturies. El miércoles 9 d’abril a les 19h el Teatru Filarmónica d’Uviéu va acoyer l’actu Cultura Asturiana con Palestina. Nél van actuar 26 nomes ente los que s’alcuentren artistes musicales, escritores, realizadores audiovisuales o periodistes. La música n’asturianu va tar presente cola participación del Coru Al Altu la Lleva, D’Urria, José Manuel Tejedor, Nacho Vegas, Nun Tamos Toes y Xuacu Amieva.
La entrada ye llibre y pueden facese donaciones faciendo una tresferencia al númberu de cuenta ES92 3035 0365 8536 5000 3898 (propiedá del Comité de Solidaridá cola Causa Árabe) indicando’l conceptu ‘9 de Abril’. L’actividá ta entamada por esti colectivu y tien el sofitu del Ayuntamientu d’Uviéu, de l’Axencia Asturiana de Cooperación al Desarrollu y de la Conseyería de Derechos Sociales y Bienestar.
Suscríbite a les nuestres novedaes
