La Tarrancha, Ruxidera y GF El Trasgu ponen música al Conceyu Mieres esti fin de selmana

Mieres ye ún de los conceyos nos que más música asturiana en vivo pue sentise y esti sábadu acueye dos cites nes que la tradición y el rock astur son les protagonistes. El fin de selmana celébrase’l XXX Certame del Quesu d’Urbiés y nél toquen el grupu mecigayu ska La Tarrancha el sábadu 6 de xunu a les 13.30 hores y el domingu 7 hai pasacáis con gaita y tambor dende les doce la mañana p’animar el mercáu.

D’otra banda, nel Auditoriu Teodoro Cuesta de Mieres del Camín va desenvolvese’l 6 de xunu el XV Festival Ruxidera, entamáu pol Grupu de Baille Ruxidera d’esti conceyu. Nél van actuar dende les 18.30h esta agrupación xunto al Grupu Folclóricu El Trasgu d’Uviéu y la Escola de danzas e gaitas Virxe do Alivio de Tomiño (Pontevedra). Too ello con entrada de baldre.