Los Premios AMAS 2027 yá tán en camín. El próximu añu el Teatru Filarmónica d’Uviéu va acoyer una edición nueva d’estos gallardones, pero enantes el xuráu tien qu’escoyer toles candidatures finalistes pa estos gallardones. Los proyectos musicales que quieran algamar esti reconocimientu tienen qu’unviar la so propuesta pa dalguna o dalgunes de les 25 categoríes esistentes al corréu amas@premiosamas.com.
Ente les 25 estayes que van ser premiaes alcuéntrense les que son a la carrera profesional -Voz; Baxu; Batería; Guitarra; Teclaos; Otros Instrumentos; Gaita; Lletres; Producción; Electrónica; Deejais y Compositor- y otres por trabayos publicaos y/o fechos ente’l 1 de xineru y el 31 d’avientu de 2026. Dientro d’estes últimes hai estes categoríes: Directu; Portada y Diseñu; Videoclip; Canción Folk; Discu Folk; Canción Rock; Discu Rock; Canción otres escenes; Discu otres escenes; Canción música urbana; Artista o grupu revelación; Músiques de cine y Discu hip hop.
Suscríbite a les nuestres novedaes
