Ochobre celebra la seronda esti fin de selmana con una ventena d’actuaciones y más actividaes

Entama’l segundu fin de selmana d’ochobre con una programación mui completa na que los festivales lleven el protagonismu. Ochobre Folk y Fiasco de Pueblu en Mieres, Reguerada Fest en Candás, Seronda 14 en Llangréu, delles actuaciones nel Festival de l’Ablana de L’Infiestu y el conciertu d’Anabel Santiago n’Ayer son los distintos eventos qu’hai na axenda ente güei y el domingu. Esti ye’l resume de tola programación:

OCHOBRE FOLK

Mieres celebra la XI edición del Ochobre Folk ente güei y el domingu con una programación qu’inclúi l’alderique “Fronteres naturales, culturales y xeopolítiques. ¿Ónde ta la llende?”, actuaciones y alcuentros de bandines, talleres de baille y masterclass de pandereta, actividaes pa la reciella, alcuentros de dellos grupos folclóricos d’Asturies y Cantabria, la so tradicional Nueche en Danza y los conciertos de Pandereteros d’Anguañu y Casapalma (Cantabria). La programación completa puede consultase equí:

REGUERADA FEST

Dende güei hasta’l domingu 13, Candás acueye la tercer edición del Reguerada Fest, feria d’empreses, lliteratura, música, artes visuales y escéniques y gastronomía qu’entama la Conseyería de Cultura, Política Llingüística y Deporte cola coordinación del músicu y escritor Xaime Martínez. Esta ye la programación venceyada a la música asturiana:

Vienres 11:

• 17.30h: Conciertu didácticu de David Varela.
• 20.30h: Marisa Valle Roso.

Sábadu 12:

• 11.30h: Espectáculu de cai Llamando a conceyu del Grupu de Baille San Félix.
• 12.30h: Charra ‘La difusión de la cultura asturiana’ con Xicu Ariza, Marta Mori, Marcos García Alonso y Alma Hidalgo.
• 13.30h: Iniciación al baille tradicional con Pau Santirso.
• 18.30h: Taller de composición con Vero Rubio ‘Canto’l miou cantar’.
• 20.30h: Skama la Rede.

Domingu 13:

• 12.30h: Canciones pa la xentiquina d’Alicia Álvarez.
• 13.30h: Poesía electrónica. Recital de Xuan Xosé Sánchez Vicente, Marisa López Diz y Beatriz Quintana Coro cola música de La Güeriata.
• 14.30h: Danza prima.

SERONDA 14

El Coleutivu de Baille y Música Tradicional L’Enguedeyu entama güei y mañana la catorce edición de Seronda en Llangréu. La programación musical ye esta:

Vienres 11:

• 19.30h: Charra de Fe Santoveña sobre la indumentaria na zona centru d’Asturies.

Sábadu 12:

• 12.30h: Pasucáis de la Bandina Trisquel y L’Enguedeyu.
• 19h: Seronda 14 el Festival.
• 22.30h: Conciertos de Buxane y 6 Riales, y actuación de La Güeriata DJ.

FIASCO DE PUEBLU

Sigue’l festival Fiasco de Pueblu qu’entamó’l martes en Mieres y que fina esti domingu. La programación de música asturiana ye la siguiente:

Vienres 11:

• 17h: Bandina Los Llerones.
• 21h: Llevólu’l Sumiciu con made by kÖS.

Domingu 13:

• 19h: Proyección de Muyeres de Marta Lallana con Mariluz Cristóbal Caunedo y Llorián García.

53 FESTIVAL DE L’ABLANA DE L’INFIESTU

• Sábadu 12 a les 19.30h: Conciertu XXXI Aniversariu de la Coral Polifónica Piloñesa.

• Domingu 13: pasucáis de la bandina Los Muiles.

MÁS CONCIERTOS

• Domingu 13 a les 13h en Morea d’Ayer: Anabel Santiago Banda.

Merca discos de los artistes qu’actúen esti fin de selmana