Ta acabante publicase la grabación en vivo del espectáculu tituláu ‘Piperperegrinos. As gaitas do Camiño‘, nel que, pela primer vez, axuntáronse dellos de los meyores gaiteros de la península. Tolos intérpretes participantes tienen una trayectoria llarga y reconocida y nesti proyectu cuenten cola collaboración de músicos prestixosos que los acompañen en formatu dúu o tríu.
En total son dieciocho los artistes protagonistes: Francesc Sans (sac de gemecs), Manel Martorell (mandolina) y Titus Prats (percusión) de Cataluña; Adrián Gil (gaita de boto), Alberto Navas (violín) y Serchio Pardos (guitarra y percusión) d’Aragón; Luis Antonio Pedraza (gaita sanabresa), Carlos Beceiro (guitarra) y Miguel Mateos (tambor senabrés) de Castiella y Lleón; Tiago Morais (gaita mirandesa y gaita) y Tiago Marques (acordieón) de Portugal; Oscar Ibáñez (gaita gallega), Xosé Liz (buzuqui) y Andrés Vilán (caxón y bodhrán) de Galicia; y José Manuel Tejedor (gaita asturiana), Richard García (tecláu) y Daniel Álvarez (buzuqui y bodhrán) d’Asturies.
Nesti alcuéntru rescámplase la importancia de la gaita como instrumentu representativu de les cultures europees, al empar que convida a los espectadores a un viaxe sonoru al travis de les diferentes gaites ibériques, coles que representar l’importante intercambiu cultural que se dio nes estremaes rutes de pelegrinación del Camín de Santiago.
Depués de tener presentao l’espectáculu per dellos llugares de Galicia, preséntase agora la so grabación en discu onde se recueyen trece de les pieces incluyíes nos conciertos, ente elles les interpretaes polos músicos asturianos: «Lorient» y «Cabanón de Cuco/Berralín/Muñeires pa Goprdon Duncan».
Suscríbite a les nuestres novedaes
