Dende güei hasta’l domingu va haber 18 actuaciones de música’l país repartíes per nueve eventos. El rock astur protagoniza l’axenda colos conciertos de Skontra y Ochobre esti vienres en Mieres (dientro del festival solidariu 90 Ochobres) y de Skama la Rede‘l sábadu n’Uviéu (V Aniversariu La Raposa). Tol finde celébrase tamién la seronda a ritmu música cola XXI Seronda d’Avilés -actúen Bandina Cuatrolán, Xaréu d’Ochobre, Escontra’l Raigañu, Marta Elola y Arella, Amigos del Chigre, 6 Riales y Pandereteros d’Anguañu– y la Fiesta de la Serondaya -con L’Artusu, Los Gascones y la BG Mieres– de Cenera (Mieres). Amás toquen Bear, The Storyteller en Grau, Anabel Santiago en La Felguera, Bimenes Underprau en Xixón, 6 Riales en Cangas del Narea y Héctor Braga en La Felguera -dientro Medievalia, conciertu sinfónicu y instrumental-. Tola axenda completa pue vese equí.
Suscríbite a les nuestres novedaes
