Ente los munchos eventos qu’hai esti fin de selmana, destaquen tres cites estremaes col rock fechu en llingua asturiana. La banda decana del rock astur, Dixebra, van tocar nel Pravia Rock Fest el vienres 13 a les 21.45h, dientro de la xira presentación del so trabayu últimu Ente la Niebla. Per otru llau, Diañu Blues va ser el primer grupu de música n’asturianu qu’actúe nel Festival Blues de Asturias, en L.luarca. El so conciertu ye a les 13.30h, nél van tar acompañaos por Javier Silva y ye la presentación del so trabayu nuevu ¡Puxa’l Ximielgue!. Pa rematar, la banda punk-rock Misiva da un conciertu na sala Gong d’Uviéu dientro del aniversariu de la Cervecería Noise, dende les 20.30h. Va servir pa estrenar el CD nuevu de la formación moscona: Mala Relixón.
Suscríbite a les nuestres novedaes
